Mi Amor.... Blanco Amor

Esperànce hay Una sola. Y es nuestra.

Temporal

-Meia máquina! Aproa para o vento!
Os cárdenos cabalos da surada
galgan no ceo gris.
-Izade esa bacía! Andan os demos soltos!
Os trallazos dos lóstregos fustigan
ás bestas da galerna.
-Atai a maquinilla o cabo da xareta!
Abrese o mar en turbillóns cinzoso
se renxen as coadernas cos planazos.
-Coarta sueste! Dádeme esa roda!
Os berros do patrón
a fóganse na escuma alporizada.
As poutas dos curiscos
van cardando nas almas destemidas.
As borrallentas foulas atoladas
agárranse da man, adoecidas,
i-en faminto remuiño
roda sinistra bailan agoirentas.
... catro mares arreo,
estoupan na coberta pol-a proa
i-en bradeante rolar fuxen co-a presa.
... ainda se ollaron brazos
que no cumio dos soutos galopantes
do borrallento mar,
aspaban un semáforo d'anguria.

Virxe do Carmen, Nai de mariñeiros!

Poema en catro tempos, (fragmento)
Virs, Buenos Aires, 1931,
Eduardo Blanco-Amor

SIF (StolenImageFrom:)